رثـــــــــــــاء ياسر الكسر

هذه الابيات ارسلتها الى الدكتور ابوجمال

من جديد اتجدد الجرح القديم=جرح باقي في خفوقي مااندمل
لااعتراض استغفرالله العظيم=والقدر ماكان يثنيه الزعل
لكن انه يوجعك فقد الكريم=لاعطاك الله عمره واتكل
خص لا انته تعرف ان جسمه سليم=ثم يأتيك الخبر فجأه رحل
تصبح الدنيا كما الليل الظليم=ماكأنه قد شرب معنا وكل
نااشهد ان الصوب فينا في الصميم=كل واحد حس في ظهره جبل
الله اكبر وين جاصبر الحليم=كن ماباقي في الدنيا امل
ياالله اسكنهم بجنات النعيم=بعدماتغفر لهم كل الزلل
وانزل الرحمة عليهم يارحيم=رحمتك ياالله ولازين العمل

جواب ابوجمال

الجراح اللي توالت ست تليم=في قلوب الخلق والحزن اكتمل
ماقضى مولاك في السر الحكيم=تبصره لعيان لاالمكتوب حل
قدرة الله ماعلى القدرة لزيم=والعزايم في النوازل تنفقل
مابقى الاالصبر في وجه الجحيم=والمآسي الرأسية مثل الجبل
والعن الوسواس وابليس الرجيم=لجل ماالايمان ينتابه خلل
ذا جوابي صيغ من نار الهشيم=والدموع الحايرة فوق السبل
واعذرالهاجس ترى الهاجس سقيم=والقوافي خطها عندي فصل