مرثية أبو أسامة في المغفور لهما باذن الله

من طرف **حريب برس** السبت يناير 28, 2012 10:53 am

ياالله انك بخافي العبد يارب تعلم=ضاق حالي وضاقت بي الفجاج الوسيعة

اي وربي جفاني النوم والحزن خيّم=وارتوى الخد من دمع العيون السجيعه

عين جودي وصبي دمع ممزوج بالدم=دم قلب اكتوى من حزن عيني الوجيعة

فايض الحزن يكفي منطقة لوتقسم= لكن انَا نخبّي ضعفنا مانذيعه

كلما قلت طاب الوقت في ساع غيّم= عام ننسى وعام اخر نصارع فجيعه

ما ترى القهر كل القهر والهم والغم= فقد رجال عاده ما تلاشى ربيعه

كيف بثنين ضاو الليل لو الليل دلهم= هتفت الصدق للمحنوب كانت طبيعه

قول غبني وغبن اهلي ولصحاب والعم= والمجاور على ارباب السجايا الرفيعه

ليه ياموت ماترثي ولا كان ترحم = ليه ياحزن غاراتك علينا سريعه

لو المشوره تقع يالموت عديت لك كم= كان قلنا تحمّل لك بما تستطيعه

لكن اللي انكتب نافذ ولو كن مغرم=لابد انّا نذوقه ماتفيد الذريعه

عفو ربي عسى المولى محى ماتقدم= واجب انّا لحكم الله دايم نطيعه

لكن الحزن شل الفكر لبّسني الهم=وانكسر ظهر ابوحمزه بعلم الوقيعه

بعد فرقا رفاقي صرت محزون مغتم= خار عزمي وخانتني قواي المنيعه

حزن لو انحط فوق اثقال من صم حطم= حزن موجع ولكن مانخالف شريعه

وان غلطنا وشط القول نرجع ونندم= واستعذنا ولو لكباد فينا صريعه

واخر القول بااتوجه لمن كان يفهم= عش حياتك ولاتركن لدنيا وضيعه

كل من عاش فيها بالمروّات مفعم=عاش ذكره ورى مالله يرد الوديعه

جعل من كان معني بالفراديس ينعم= عند طه عسى طه محمد شفيعه

والف صلي على المختار ما الناو يلتم= سيد الخلق في الجنة وامير الطليعه

خيرة القوم من لصحاب واول من اسلم= ذي بجنبه في الروضه وذي في بقيعه