قصيدة الحارثي في حادثة عبيده وبالحارث

من طرف **حريب برس** الأربعاء فبراير 01, 2012 10:19 am

قصيدة للشاعر ناجي بن علي وقزان الحارثي

والتي كتبها بعد قتلة عبيده وبالحارث ,

عند اجتماعهم وحضور الوساطه بينهم للصلح على الحدود فيما بينهم , ولكن انتهت بحضور الشيطان بينهم وقتلوا من قبيلة بالحارث 7 رجاجيل ومن كبار بالحارث ,بتهجم ولم يكونوا يتوقعون ذلك من قبيلة عبيده , نسال الله ان يرحمهم ,, ويصلح فيما بينهم

يقول في القصيده

يا ناقل العلم عنا وش جرى فينا
عيبت عبيدة كبيرة ماهي بزينه
يوم التقينا وهم دلو و دلينا
وكل منا شرب دلوة بكفينه
اناشهد انهم عطونا والحن عطينا
الواجب اللي حضرنا له ملبينه
في طارف الحد قدمنا وضحينا
سبعه رجاجيل راحو ما لهم عينه
اتهون كل الخساير عند اهالينا
لوهم مئه ما اهل المقتول باكينه
عاداتنا يحضر اولنا وتالينا
لوابطى في السير له ربع مكفينه
نسوم لنفُس فداءلاجل وادينا
والحد دونه سلايل يام حامينه
حد ال جسار عنه ما تخلينا
شيبانا ماعطوحد شبرمنطينه
كيف العبيدي ضوى بالشرناوينا
وزل سيلت حريب وسن سكينه
رغم اننا في البدايه قد تحاشينا
الفتنه اللي هو اشعلها بيدينه
وحل من حيث خيمنا وحلينا
شابر غوى والرزايم بيني وبينه
وخط محسن على نفسه يكفينا
يوم العرادة وابن عوشان مخفينه
وياللاسف ما توقعنا وظنينا
ماهو بذا اللي من العقال راجينه
واليوم بعد المودة قد تعادينا
وكل ديان با يطرد قفا دينه
غارو علينا وكبرنا وسمينا
بأسم الله اللي على العيبان داعينه
منا وفينا وشلينا وحطينا
من ليد لما اكمل الرامي مجازينه
وياعيب عيباه يا مأرب وحمينا
عابت عبيدة وخابت جعلها الشينه
فكت على يام خمال القحاطينا
واترملت من نسائهم كل مسكينه
وقطعوا ارحامهم ياهوين ياهوينا
قتل الوساطه جريمه يا العيابينه
لو المثل مثل المثل ماكان همينا
غير العبيدي شرعها في قوانينه
ويا بن معيلي علي دم الشيابينا
شله سلف واليتيم اهله موصينه
لو قتلهم نصر تفخر به تهانينا
من ذاق مرك غدا يسقيك امرينه
لعرفك با سمك وتعرفنا باسامينا
يوم انت قدت المياسر والميامينه
وجيت بالرايه البيضاء تنادينا
باربع ميت ضيغمي اعداء وفتينه
لحسبك للسلم تدعي وانت هاوينا
تحمل مخطط نتنياهو ورابينه
الله يخزي عبيدة قولو آمينا
واما القضاء من لبا ما الحن مسمينه
على النواجذ بسن الصبرعضينا
لما يليح القضاء في وقته وحينه
ما لذبح الاالسمين اللي يكفينا
اللي فلا طاح بايبكون غالينه
ولا لسوم الكرامه بالملايينا
يوم الردي باعها في حق تخزينه
لا ما خلصنا ووقينا ودفينا
والا فلا عاد غنا لابس الزينه
خافه يقع حرب دام انا تبلينا
لما العبيدي يعوذ من شياطينه
واختم بذكر النبي عليه صلينا
اعداد ما تفرع من بياحيينه

,, وسلامتكم ..